SOCIALISTA POPULAR-ren izango gara hemendik aurrera!!!
Concretamente, los días 24, 25 y 26 de este mes. Hay más información disponible en el sitio web de Sare Antifaxista: colectivos y editoriales confirmados, programa de actividades, etc.
Elkartasunak eta Elkarkeriak (Asel Luzarraga)
(Hona hemen Aselen iritzi pentsatu horietako bat, Ukrainiataz horrenbeste jarduteak guda eta inperialismo batzuk onartuago ditugulakoan bait nago eta hori onartezina duNK niretzat. Denak, bai, DENAK direlako hilketa berbera, hilketa legala Andoain edo Gazteizen sortzen eta saltzen dugunean inor gutxik egiten duelako hitz zirtiñik GUDA horren aurka)
ELKARTASUNAK ETA ELKARKERIAK
Gerra horren aurka nago, noski, eta min handia eragiten didate iristen diren irudiek. Bonben azpian zein ihesi dabiltzan guztiekiko elkartasuna sentitzen dut, zein ere den haien bandera edo herritartasuna. Hala sentitu nuen duela zortzi urte Donetsk eta Luhanskeko istiluak hasi zirenean, baina, ohi denez, eta gehienok bezala, hango egoerari buruzko albisteak jasotzeari uztearekin batera hegan egin zuen nire elkartasunak beste lurralde kolpatu batzuetara. Asko izan baitira oroimena dudanetik erasoak eta bonbak jaso dituzten herrialdeak. Gezurrez kargatutako erasoak eta bonbak beti han eta hemen.
Gatazka honetan, guztietan legez, onen eta gaiztoen narratibak hasi dira zabaltzen. Ez dut esango bitxia denik, beti izan baita hola. Erasotzailea nor izan, erasoa pairatzen duena nor izan, laster egongo dira on eta gaizto ofizialak. Horretarako dago telebista, besteak beste: narratibak eraikitzeko. Telebista ikusle txarra naiz, ordea, gaiztoa birus bat izan, monarka hautatu bat, zein herrialde oso bat. Heroi berriak eraikitzen dira noizean behin, eta atzo ikusi dut azkena ETBko Gaur Egunen sortzen. Bai umoretsua eta aparta Ukrainako monarka -haren monarkiak zer titulu hartzen duen ahaztu dut; gutxi axola-.
Zer dakit nik benetan, ordea, lur haietan gertatu eta gertatzen denaz, komunikabideen atzeko interesek oparitzen didatenetik harago? Hango anarkista batzuei irakurri diet ideiarik osoena eman didan testua eta, hala ere, batek jakin, anarkistok ere gizaki baikara, ezta? Gatazka honetan dauden kontraesanei ez diete ihes egin, behintzat, eta asko da hori gaur egun.
Nire etxeko epeletik, gerrak zelan eragingo didan gehiegi neurtu barik -inflazioa eta baliabideen eskasia ez dira atzo asmatutako kontzeptuak-, inguruan zabaldu diren jarrera ildo nagusi biak ikusi ditut eta, ohi bezala, ezin neure burua ez batean ez bestean kokatu.
Diktadura global batean bizi gara, eta egia da diktadura horrek tokian tokiko mailak eta ezaugarriak dituela, baina besteen barroteek ez dituzte gureak ezabatuko. Errusian bizi dutena ere ez da atzo goizekoa, eta ez naiz Stalinen garaien nostalgiko bat. Berlingo harresia jausi aurretik zein ondoren, kakaren usaina ez da lar aldatu, ez harresiaren alde batean ez bestean. Zelan ez egon kontinente bitan zabaltzen den lurralde zabala eta haren barruko herritarrak KGB estilo jatorrean gobernatzen dituen monarkaren aurka! Zelan ez egon lurralde zabal horretan errusiar inperialismoa mendez mende jasan duten herri, etnia eta kultura guztien alde.
Baina hori ez da idazle horiek guztiek sinatu duten testuak dioena. Aterako ditut biltzen dituen esaldi esanguratsuenak (neuk euskaratuta, barkatu hanka sartzeak).
“Gu, mundu osoko idazleok, atsekabetuta gaude errusiar indarrek Ukrainaren aurka zabaldutako indarkeriagatik eta premiaz eskatzen dugu odol isurketa amaitzeko”. Noski, ados, atsekabetuta nago neu ere eta ez diot zentzurik ikusten odol isurketari. Honaino eragozpenik ez.
“Baturik diraugu zentzurik gabeko gerra bat kondenatzeko; Putinek eragin du gerra hori, ukrainar herriak bere etorkizuneko leialtasunak eta historia Moskuren interferentziarik gabe eztabaidatzeko eskubidea onartzeari uko egitean”. Txalogarria, seguru. Zentzugabea da gerra hori, egon diren eta dauden guztiak bezala. Imajinatzen dut baturik iraun zutela denek Ukrainako armadak eta paramilitar naziek uko egin ziotenean Donetsk eta Luhanskeko herritarrek euren etorkizuneko leialtasunak eta historia Kieven interferentziarik gabe eztabaidatzeko eskubidea onartzeari. Edo AEBk beste horrenbeste egin zuenean Iraken, Afganistanen, zein historian interesen bat jokoan ikusi duen herrialde orotan. Interferentziarik gabe erabakitzen dituzte euren leialtasunak -zelako hitza hautatu duten…- eta historia munduko herri gehienek aspaldi, ezta? Eta imajinatzen dut EBk, AEBk eta NATOk ez dutela ezelako interferentziarik inoiz eragin ukrainarrek -herrialde horretan bizi diren herri, etnia eta kultura guztietakoek- euren leialtasunak eta historia askatasunez erabaki ditzaten. Bistan da.
Ukraina izenaren pean biltzen diren lurretan bizi diren kazetari, idazle eta artistekiko elkartasuna ez da negoziatzen, haien ideiak eta bizi proiektuak zein diren ere. Kieven egon eta ukrainar estatuaren aldekoak izan, zein ukrainar ez sentitu eta agian batere estaturik nahi ez izan. Diot nik. Neu ere haien guztien ondoan sentitzen naiz eta haien mina sentitzen dut. Kieveko gobernuak espetxeratu eta jazarritako idazle, kazetari eta artisten mina ere neurea dut. Badakit denek ez dutela Zelinskyyren umore estilo bera, ETBk heroi berria eraikitzeko erakutsi berri diguna, baina beste txiste mota batzuk egiten dituztenek ere merezi dute euren mina senti dezagula, ezta?
“Pertsona guztiek daukate bakerako, adierazpen askatasunerako eta biltzeko askatasunerako eskubidea”, noski! Ukrainan, Errusian, Txinan, Kuban, AEBn, Frantzian, Espainian, Turkian, Saudi Arabian, Yemenen, Sirian, Afganistanen, Iranen, Txilen, Mexikon zein Israelen, ezta? Barkatu gogoko ez ditudan estatuen izenak erabili behar baditut esan nahi dudana uler dadin…
“Putinen gerra demokraziaren eta askatasunaren aurkako erasoa da, Ukrainan ez ezik, mundu osoan”. Hara! Demokrazia eta askatasuna esaldi berean! Beraz, adierazpena sinatzen badut, demokraziaren alde nago! Eta demokrazia -gaur egun demokrazia esan ohi zaion hori, uler bedi- eta askatasuna bateragarritzat jo! Non ikusten dute sinatzaileek demokrazia eta askatasuna eskutik, lagun onen moduan? AEBn, Espainian, Italian, Erresuma Batuan, Japonian, Alemanian, Uruguain edo Argentinan, agian? Putinen gerra eraso bat da, argi eta garbi, batzuen interes geopolitikoen aurka eta, noski, bere interes geopolitikoen alde. Horretarako, nazismoaren aurkako kanpainaren diskurtsoa darabil, imajinazioak bere mugak ditu, AEBk bakearen, askatasunaren eta -hau kasualitate ederra!- demokraziaren alde inbaditu edo bonbardatu ohi duenez bere interesen kontra sentitzen duen herrialde oro. Eta, Ukrainako armadan legez, hori ironikoa, Errusiakoan ere ez dira naziak falta, noski. KGBko gizonak ez dio inoiz muzinik egin naziekin tratuak egiteari; azken finean, haren pentsamoldea ez dago hain urrun haiengandik, baina ez da bera putinkume bakarra, onargarria eman dezakeen aitzaki baten atzean ezkutatzen dena bere agenda betetzeko. Komunismoa izan daiteke aitzaki hori, edo narkotrafikoa, edo suntsiketa masiboko armak, edo Bin Laden eta dorre bikiak, edo herri hautatuaren eskubide historikoak… Denak ibiltzen dira beti bakea oparitzen munduari, modu oso bitxian: bonben eta tankeen bidez. Bakerako Europako Funtsak ez du bere dirutxoa erabiliko bakearen izenean armak bidaltzeko, hain zuzen ere? Baina askatasuna benetan maite dugunok ezin gara ez hemen ez inon demokrazia deritzoten gehiengoaren zapalkuntza hori bidelaguntzat onartu, nik uste. Demokrazia hori da honetan guztian gutxien axola didana, egia esan. Haren eta hitz horren atzean gordetzen den hipokrisia guztiaren kontra nago aspaldi. Ez dut idazten mendebaldeko kulturaren ustezko nagusitasuna eta haren zibilizazioaren balioak goresteko, hain zuzen ere. Ez zait ezer galdu ez EB, ez AEB, ez NATO, ez NBEren interesen defentsan.
“Bat egiten dugu bakea eta indarkeria elikatzen duen propagandaren amaiera eskatzeko”. Bai, propaganda oro. Putinena eta Zelenskyyrena; Errusiarena eta AEBrena; EBrena eta NBErena. Zer da adierazpen hori, mundu ikuspegi baten aldeko propaganda baino? Eta bai, holako propagandak ere indarkeria elikatzen du. Indarkeria elikatzen du ahotsa Ukrainaren ideia jakin baten alde altxatzen denean eta beste ideia batzuen zapalketaren aurrean isiltzen denean. Indarkeria elikatzen du beste inbasio eta bonbardaketa askoren aurrean mutu dirauenean. Indarkeria elikatzen du historiaren interpretazio bakarraren alde egiten duenean…
Baina zer espero nezakeen? Estatu baten, edozein estaturen, alde dagoena indarkeriaren alde dago, gerraren alde, teorian bakezalerik amorratuena dela uste badu ere. Izan gerra hori militarra, ekonomikoa, kulturala, etnikoa… Estatuak direlako gerra guztien eragileak. Gerrarik gabe ez dagoelako demokrazia deritzoten horri eusterik. Edonon aurki ditzakegu gure zibilizazioaren, gure bakearen, gure demokrazia eta askatasunen aldeko gerrak uzten dituen gorpuak. Mediterraneora joan zaitezke edo, hainbeste ibili barik, Bidasoara.
Baina joan gaitezen harago, gerra honek inoiz baino ageriago utzi duelako munduan nagusi den hipokrisia. Edo, bestela esanda, inoiz baino ageriago utzi duelako nor den mundu honen nagusia. Gogoratzen duzue zenbat enpresak alde egin zuen AEBtik haren armadak Irak, Afganistan, Siria, Libia… bonbardatu zituenean? Zenbat kiroletatik kanpo utzi zituzten AEBko taldeak, selekzioak, kirolariak? AEBko zenbat banku utzi ziren SWIFT sistematik kanpo? AEBko zenbat banku itxi ziren Europan? Errazagoa begitantzen zaigu, seguru nago, mundu mailako iraultza anarkista bat, inork AEBren kontra proposatutako edozein zigor baino, zer ere egiten duen. Saudi Arabiar, Israel edo Turkiaren aurka ere uste dut ez dela holako deirik ez holako adierazpenik egon, baina oroimen txarra dut. Eta, berez, ez litzateke txarra, munduko estatu bakoitzak ingurukoak blokeatzea erabakiko balu. Ez litzateke bide txarra kapitalismoa deuseztatu eta tokian tokiko ekonomia horizontalerantz abiatzeko.
Baina ez daitezela gehiegi poztu hemen idatzi dudanagatik Stalinen mina sentitzen duten ezkertiar nostalgikoak. Hau ez da Putinen alde ezer esateko testu bat, argi geratu delakoan banago ere. Estatismo orok dakar berekin militarismoa, horixe baita estatuaren funtsa. Estatismo orok gordetzen du faxismoaren hazia bere baitan. Estatu oro da herrien, kulturen, ideia askeen etsai. Ez dut nik idatziko Donetsk edo Luhanskeko errepubliken alde, Ukraina eta Errusiako estatuen alde idatziko ez dudan bezala. Ez errepublika monarkikorik, ez erresuma monarkikorik, ez demokrazia monarkikorik. Ulertu nahi duenak uler beza. Edozein estatu berri da kate berrien sortzaile. Ukraina deritzoten lurralde horretatik kanpo nahi dut errusiar armada, bai. Eta, ahal bada, Errusia deritzoten lurralde horretatik eta planeta honetatik kanpo ere bai. EBk, AEBk, Erresuma Batuak, Norvegiak, Kanadak… Ukrainara bidalitako arma guztiekin batera, bide batez. Baina zer gertatuko litzateke estatuekin industria militarrik gabe… Eta, noski, saldu behar dira fabrikatzen diren gauzak, ezta? Eta saldu beharrekoak armak badira, gerrak beharko dira nonbait!
Hipokrisia utzi nahi izan dut agerian, besterik gabe. Nire elkartasuna Ukrainan, Donetsken, Luhansken, Kurdistanen, Txiapasen, Palestinan, Walmapun… militarismoak hiltzen dituen guztiekin dago. Baita Ukrainara estatu baten izenean eta gutxiengo batzuen interes ustelen alde hiltzera -zentzu bietan- bidaliak izan diren soldaduen zain Errusian geratu diren senide eta lagunekin ere. Elkartasunak ez baitu ondo bat egiten elkarkeriarekin.
Historiak bere apetak eta ironiak dauzka, eta duela mende bat inguru anarkistoi Ukrainan bertan tokatu zitzaigun ikastea gure etsaien etsaiak gure etsaiak ere badirela. Gogoratzen, Makhno? Telebista gehiago ikusi beharko dut agian, txandako banderak besarkatzen eta nire sare sozialetako balkoietan eskegitzen hasteko…
Hau jun den/k
Hau jun den/k
Parra eta negarra ezkondu beharra.
Hankak Lurrin Radioterapìa
Entzun saioa:
Telegramen https://t.me/hankaklurrin HLko saiuek, bertan aipauteko materialan aipuek etb.(1) jartzeko erabilikoiu.
Durangoko Azoka... Autogestionatua (2021)
2021 Durangoko Azoka Autogestionatua
#DAA21 #Durango
Abenduaren 4tik 8ra
Zehar Kalea, 11 Durango
Kolektiboak: DDT Banaketak, Sare Antifaxista, katakrak liburuak, FAI, Ruti distri,...
DES-GAZTEA blogak gomendatutako 22 disko (Jaisteko moduan)
DES-GAZTEA dena (POST DENAK)
VISION TUNEL - vacio - 2007
ANARKIA TROPIKAL kumbia not dead (2009)
SIN DIOS "ruido anticapitalista / alerta antifascista"
NECESIDAD DE LUCHAR - el colapso es inminente
Kronstadt - Las cicatrices nos recuerdan que el pasado fué real
Gartxot- Zazpi Haizetara (2003)
Bandera negra.- por el fin de esta agonia.- cd 2007
kalashnikov.- romantic songs of dissidence.- 2001- 2004 cd
Ugly Bastards
Accidente + Duelo.- split ep 2005
KASERNARAT "Okerreko bidetik"
Por la sombra - Venganza
CONTROL DE PLAGAS - Control de Plagas (2013)
Asto pituak - Un pequeño despiste de comico
Lirika Podrida y Artefacto Incendiario - Lirika Incendiaria (Split)
VERTIGO - s/t
M.K.T. "Leherketak zeruan"
Decisión - Decisión (2010)
Accidente - Amistad y Rebelión (2014)
Bestiärio - Este Infierno (2015)
Garlic Kings - С Берегов Балтийских (2011)
ARROTZAK "Lurzoru hotzetik"
:format(jpeg):mode_rgb():quality(40)/discogs-images/R-7614569-1445183297-7164.jpeg.jpg)
Solarpunk: ideia bat eta manifestua euskaraz
Solarpunk: ideia bat eta manifestua euskaraz
Solarpunk izeneko mugimendua edo, agian, ideia filosofikoa, honetan datza: eraldaketa larritasuna handia den une honetan (beroketa globalagatik eta), gizateriak naturarekin eta teknologiarekin batera bizitzeko paradigma berri bat aldarrikatzen du. Joan den igandean, Gorka Julio teknofiloak ideia azaldu zuen Euskadi Irratiko Amarauna programan, eta hari horretatik tiraka ekarri dugu hona.
Izena datorkio mugimenduari beste ideia artistiko-estetiko batetik: Steampunk. Zientzia fikzioarekin lotu daitekeen mugimendu horretan, irudikatu izan da mundu teknologiko bat non bapore-teknologia baizik ez den garatu (ez elektrizitate aurreratua edo elektroniko edo informatika), eta hala ere posible diren aurrerakuntza teknologikoak: hau da, espazio bidaia posible da, baina baporezko untziekin eta, estetikan bat eginez, 19. mendeko jantziekin (demagun).
Solarpunk delakoan berriz, Steam-Baporea kontzeptua barik, Solar-Eguzki kontzeptua dugu zeinean eguzkitik lortutako energia garbi eta zuzenak, eta eguzkiak hazten duen mundu berde edo ekologikoki orekatu bat den etorkizuneko teknologiaren oinarri. Punk hitzak, bestalde, bai steampunk zein solarpunk terminoetan adierazten du indar apurtzaile bat, gogo bizi bat eta eraldaketarako grina.
Solarpunk ideiaren inguruan ez dago kredo edo erakunde zehatzik: literatura eta estetika jakin batzuei eman dakieke solarpunk kalifikazioa, eta politikarako oinarri bat ere izan daiteke. Ildo horretan kokatzen da 2019an zenbaiten artean osatutako Solarpunk Manifestua, Gorka Juliok euskaratu berri duena.
Hemen dago testua, eta puntu batzuk ekarri ditugu hona:
Solarpunk delakoan berriz, Steam-Baporea kontzeptua barik, Solar-Eguzki kontzeptua dugu zeinean eguzkitik lortutako energia garbi eta zuzenak, eta eguzkiak hazten duen mundu berde edo ekologikoki orekatu bat den etorkizuneko teknologiaren oinarri. Punk hitzak, bestalde, bai steampunk zein solarpunk terminoetan adierazten du indar apurtzaile bat, gogo bizi bat eta eraldaketarako grina.
Solarpunk ideiaren inguruan ez dago kredo edo erakunde zehatzik: literatura eta estetika jakin batzuei eman dakieke solarpunk kalifikazioa, eta politikarako oinarri bat ere izan daiteke. Ildo horretan kokatzen da 2019an zenbaiten artean osatutako Solarpunk Manifestua, Gorka Juliok euskaratu berri duena.
Hemen dago testua, eta puntu batzuk ekarri ditugu hona:
- 7. Solarpunkak perspektiba berri baliotsu bat, paradigma bat eta hiztegi bat ematen dizkigu, etorkizun posible bat deskribatzeko. Retrofuturismoa besarkatu beharrean, etorkizunari begiratzen dio erabat solarpunkak. Ez etorkizun alternatibo bati, baizik eta etorkizun posible bati.
- 8. Gure futurismoa ez da ziberpunkarena bezalako nihilista, eta steampunkaren joera potentzialki erreakzionarioak saihesten ditu: inozentziarekin, sorkuntzarekin, independentziarekin eta komunitatearekin du zerikusia.
- 9. Solarpunkak ingurumenaren iraunkortasuna eta justizia soziala nabarmentzen ditu.
Manifestuko 22. puntuak, azkenak, lau puntutan laburbiltzen du zer den Solarpunka:
- Anitza da.
- Espiritualtasuna eta zientzia elkarrekin egoteko lekua du.
- Ederra da.
- Oraintxe gerta daiteke.
Gerta badaiteke... ez dirudi etorkizunik ilunena, aldaketa klimatikoarekin lotutako espektatibak doazen bezala.
[Sustatu webgunetik hartutako lehengo urte hasierako testua duNK hau. Irratsaioa gustatu zitzaidanez...]
Liburu, Fanzine eta Material Politikoaren Azoka (Portugalete)
Feria del libro, fanzine y material político de Portugalete 2021
BIRUS AUTORITARIOAREN KONTRA AUTO-ANTOLAKUNTZA TXERTOA
( Lehengo urteko apirilak 8an Asel Luzarragak Berrian idatzitako testuarekin uzten zaituztet)
BIRUS AUTORITARIOAREN KONTRA AUTO-ANTOLAKUNTZA TXERTOA
Legeak konpondu nahi dituen baino arazo gehiago sortzen ditu, zioen duela mende bat Malatestak. Egoera honetan, ordea, seguru egon gaitezke ez digutela inoiz daturik emango konparazioa egiteko. Barkatuko didazue, beraz, legerik gabeko ibilbidean sartzea, zuen esku utzita kaos honetatik ordena apur bat aurkitzea.
Munduko gobernuek euren neurrietan asmatu duten ala ez juzgatzea ez da loa galarazten didan kontua, eta nahiago dut, Carlos Taiboren ildotik, beste margolan bati begiratzea: ondorengo egoerari aurre egiteko gara ditzakegun tresnek marrazten digutenari, hain zuzen ere. Argi baitago gure bizitzak antolatzen dituzten botereek, batzuek uste dutenaren kontra egoera bera eragin ez badute ere, ez dutela aukerarik galdu halabeharrak egin dien oparia eskertu eta kontrolaren gizartearen giltzari ahal beste buelta emateko. Urrun nago, ostera, Bioklik-en zirriborratu nuen iragarpena beteta ikusteko desiratik.
Naomi Kleinen shockaren teoria ere har nezake hizpide, baina interesgarriagoa deritzot balizko shock egoera horren aurrean amore eman ez dutenen erantzunei erreparatzeari. Izan ere, hedabideek (ofizialek zein sare sozialek osatzen duten anabasa gidatu horrek) bolada batean jende askoren baitan piztu (edo berpiztu, edo itzarri, edo biluztu) den faxista txikia elikatzeko egin duten ahalegina handia izan bada ere, horren aurrean beste kontzeptu bat hasi da tokia hartzen, nabarmentzen, eta daukan ahalmena erakusten: elkarlaguntza. Pozik egoteko arrazoiak dauzka Kropotkin zaharrak bere hilobian.
Estatuak, kapitalaren jagole horrek, erakutsi nahi izan digu, berriz ere, herritarrok heldugabe eternoak garela, badaezpadakoak, hurretik zaindu, zentzatu eta zigortu beharrekoak, geure burua zaintzen ez dakigun ardurabakoak. Argudio hori entzun nuen behin eta berriz estatu-poliziala lehen minututik txalotu eta zuritzeko, lagun askoren ahotan, gero eta aho txikiagoarekin defendatzen badute ere. Merezita omen daukagu. Baina jende askok (uste hori dutenek, behintzat) ez du analisirik txikiena ere egiten. Ez du ikusten antolatuta ez dagoen herria beti izango dela haur heldugabe hori. Arauak, erabakiak, ardura guztiak kanpoko izaki abstraktu baten eskuetan uzteko hezi gaituzte txikitatik. Bakuninen esanetan, haurren hezkuntzaren helburua erabat babesgabe eta mendeko jaiotzen den gizakia askatasunerako bidean jartzea da, baina ez da horrela ezarri diguten kulturan: haurrak, eskolan oin bat jartzen duen unetik, heldugabe eterno hori izateko hezkuntza jasotzen du. Ez zaio irakasten besteekin adostasunetara iristen, ongi komuna elkarrekin bilatzen, nork bere ahotsa izaten. Ordezkariak behar dituzte, arrazoi ilunen batengatik; guztien pentsatzeko ahalmena ordeztuko duen ahots bakarra. Pieza bat izateko prestatzen dituzte. Sistemak zer behar duen, horretarako ikasi behar du haurrak. Zer behar duen erabakitzeko aukerarik izan ez duen komunitate batean. Produkzioa ez gelditzeko kontsumitzera derrigortuta dagoen gizarte batean. Produkzioa baita xedea gure sisteman, eta haren beharrizanek bultzatzen baitituzte gure ustezko hautuak.
Eta, bat-batean, iparrik gabe ikusi ditugu erabakiak gure ordez hartu behar lituzketen horiek. Zain gaude, haiek zer esango, guk zer nahi behar genukeen jakiteko. Etxean egon nahi behar genuke! Eta zigortu behar genuke etxean egon nahi ez duena! Beldurra bere uniformea jantzita, bera baita poliziarik eraginkorrena. Eta eztabaidak sortzen dira: zein dira ezinbesteko jarduera ekonomikoak? Funtsezkoa baita ekonomia hau, kapitalista, noski, honaino ekarri gaituena, munduko langileek sortutako produktuak ekoizleen euren artean zuzentasunez banatzeko gai ez dena (holakorik nahi ez duena), zuzentasuna heresiatzat duena, ez amiltzea. Ez dakigu ondo zergatik, baina hala ei da. Ez gaitezen, halako batean, kontura, gure oinarrizko premiak definitzeko erabakimenarekin batera, aspaldi utzi genituela albo batera premia horiek asetzeko jarduerak.
Eta zoratuta gabiltza, umeak etxean, haur horiek makulu izandako aitaita-amamentzat arrisku bihurtuta, ez dugulako ikasi geure bizitza antolatzen. Aspaldi ostu digutelako gure denbora antolatzeko gaitasuna. Zaintzaren garrantzia salgai bihurtu diguten bitartean, sistemak bide bakarra proposatu baitigu bizitzaren funtsa behar lukeen horri aterabidea emateko: jarduera oro soldatapeko bihurtzea. Tokitan dago soldata esklabotzarekin parekatzen zuen ideia hura, Platonek berak hain argi zeukana. Gauza guztien erantzuna da soldata… Soldata zertarako behar den ez badakigu ere. Bizitzeko, esango digute; baina bizitzeko ez dugu soldatarik behar, bizigaiak sortu eta sortzen ditugunon artean, eta sortu ezin ez, baina behar dituztenen artean banatzeko ahalmena baizik. Sortzeko denbora banatu, elkar zaintzeko denbora banatu, sortutakoa banatu. Hori bezain sinplea.
Eta horixe egoera honek daukan arriskua, agintarientzat, erabateko kontrolaren gizartearen aurrean, euren burua antolatzen hasi direlako hainbat auzo eta herritan. Auzokoak berriro ezagutzen, funtsezko premiei erreparatzen, eta kontzeptu hori, kontzeptu madarikatu eta erbesteratu hori, berreskuratzen: elkarlaguntza. Ildo horretatik doaz Auzoetatik Piztu Bilbo ekimenaren azken txioak, esaterako. Eredu txarra agintarientzat, zalantzarik gabe.
Izan ere, zer gertatuko litzateke herritarrok birus autoritarioaren kontra auto-antolakuntza txertoa garatuko bagenu? Zer gertatuko litzateke hamarkadaz hamarkada kapitalismoak inokulatu digun birus indibidualista, indartu ordez, ahuldu, eta haren kontrako sendabelarra aurkituta komunitatea indartuta aterako balitz? Gobernu eta merkatuentzat hondamendia, gauzak berriro berdinak ez izateko hazi itxaropentsua izan daitekeelako.
Horretarako, ordea, gauza bakarra behar dugu: aske izan nahia, La Boétieren mende luzeetako borondatezko morrontzak erabat hil ez badigu, behintzat (Frommi ere galdetu beharko).
Erresistentzia Kutxa da Berriak atal honi jarri dion izena, eta ezin egokiagoa izan: erresistentzia kutxa bat antolatu behar luke gizarteak (geuk), beste aukera Carlos Taibok iragarritako kolapsoa baita. Egunotan planetak berak ozenki esan digunez, naturak ere eskertuko digu sinpletasun hautaturako bidea hartzen badugu, naturak berak bide hori hartzera derrigortu baino lehen; eta borondatezko bide horren alde egiten badugu, ezinbesteko izango dugu asteotan garatzen hasi garen auto-antolakuntza txerto hori.
Gomendioak - Recomendaciones - Recommandations... (EKAITZALDI-ren 18 gomendioak edo)
"GURE" GOMENDIOAK (nuestras recomendaciones / nos recommandations / our recommendations )
.
[ EKAITZALDI Gomendioak [18], Recomendaciones, Recommandations -101 disko x 2- ] 202 EUSKAL DISKOren aipamenak.
[ EKAITZALDI Gomendioak [17], Recomendaciones, Recommandations -EKAITZALDI-ren gomendio denak batean- ] GOMENDIO DENAK.
[ EKAITZALDI Gomendioak [16], Recomendaciones, Recommandations -EKAITZALDI katalogoko disko denak jaitsi- ] EKAITZALDI gunea, KATALOGOko sarrera eta deskargak.
[ EKAITZALDI Gomendioak [15], Recomendaciones, Recommandations -euskerazko musika BadoNK- ] BADOK webgunea.
[ EKAITZALDI Gomendioak [14], Recomendaciones, Recommandations -Trikitixa, eskusoinua... deskargak- ] ESKUSOINUJOLEEN edo/eta TRIKITILARIEN 150 diskotik gora.
[ EKAITZALDI Gomendioak [13], Recomendaciones, Recommandations -11 disko- ] 11 DISKO-DISKOGRAFIA.
[ EKAITZALDI Gomendioak [12], Recomendaciones, Recommandations -Karaokeak, abesteko abestiak- ] 3.000 KARAOKEtik gora.
[ EKAITZALDI Gomendioak [11], Recomendaciones, Recommandations [E] -musika bideoak, 2020- ] BIDEOKLIP eta BIDEOak, asko ikusiak.
[ EKAITZALDI Gomendioak [11], Recomendaciones, Recommandations [D] -musika bideoak, 2019- ] BIDEOKLIP eta BIDEOak, ezagunak.
[ EKAITZALDI Gomendioak [11], Recomendaciones, Recommandations [B] -musika bideoak, 2018- ] BIDEOKLIPAK, BIDEOAK,...
[ EKAITZALDI Gomendioak [11], Recomendaciones, Recommandations [A] -musika bideoak, 2017- ] BIDEO eta KLIPak, ikusiak.
[ EKAITZALDI Gomendioak [10], Recomendaciones, Recommandations -MusikaZuzenean telebista saioa- ] EUSKAL MUSIKAren TELEBISTA SAIOA.
[ EKAITZALDI Gomendioak [9], Recomendaciones, Recommandations -Punk deskargak- ] PUNKa.
[ EKAITZALDI Gomendioak [8], Recomendaciones, Recommandations -Metal- ] METALa.
[ EKAITZALDI Gomendioak [7], Recomendaciones, Recommandations -Euskal kantagintza "berria"- ] BATIZPAT 1970-80 bitarteko BAKARLARIen diskoak.
[ EKAITZALDI Gomendioak [6], Recomendaciones, Recommandations -11 disko- ] 11 DISKO-DISKOGRAFIA.
[ EKAITZALDI Gomendioak [5], Recomendaciones, Recommandations -Bideoklipak, kontzertu zatiak- ] 1.000 BIDEO-BIDEOKLIPetik gora.
[ EKAITZALDI Gomendioak [4], Recomendaciones, Recommandations -Pop-Rock... deskargak, 80-90...- ] BATIZPAT 1980-90 bitarteko POP eta ROCK diskoak.
[ EKAITZALDI Gomendioak [3], Recomendaciones, Recommandations -Euskal kultura digitala, internet- ] EUSKAL KULTURA DIGITALA.
[ EKAITZALDI Gomendioak [2], Recomendaciones, Recommandations -11 disko- ] 11 DISKO-DISKOGRAFIA.
[ EKAITZALDI Gomendioak [1], Recomendaciones, Recommandations -11 disko- ] 11 DISKO-DISKOGRAFIA.
L.B.I.
-.-
[ EKAITZALDI Gomendioak [17], Recomendaciones, Recommandations -EKAITZALDIren GOMENDIO DENAK- ]
[ EKAITZALDI Gomendioak [16], Recomendaciones, Recommandations -EKAITZALDI KATALOGOA, deskarga estekak- ]
[ EKAITZALDI Gomendioak [15], Recomendaciones, Recommandations -euskerazko musika BadoNK- ]
[ EKAITZALDI Gomendioak [14], Recomendaciones, Recommandations -Trikitixa, eskusoinu deskargak- ]
[ EKAITZALDI Gomendioak [13], Recomendaciones, Recommandations -11 disko- ]
[ EKAITZALDI Gomendioak [12], Recomendaciones, Recommandations -Karaokeak, abesteko abestiak- ]
[ EKAITZALDI Gomendioak [11], Recomendaciones, Recommandations [E] -musika bideoak, 2020- ]
[ EKAITZALDI Gomendioak [11], Recomendaciones, Recommandations [D] -musika bideoak, 2019- ]
[ EKAITZALDI Gomendioak [11], Recomendaciones, Recommandations [B] -musika bideoak, 2018- ]
[ EKAITZALDI Gomendioak [10], Recomendaciones, Recommandations -MusikaZuzenean telebista saioa- ]
[ EKAITZALDI Gomendioak [7], Recomendaciones, Recommandations -Euskal kantagintza "berria"- ]
[ EKAITZALDI Gomendioak [6], Recomendaciones, Recommandations -11 disko- ]
[ EKAITZALDI Gomendioak [4], Recomendaciones, Recommandations -Pop-Rock... deskargak, 80-90...- ]
[ EKAITZALDI Gomendioak [3], Recomendaciones, Recommandations -Euskal kultura digitala, internet- ]
[ EKAITZALDI Gomendioak [2], Recomendaciones, Recommandations -11 disko- ]
[ EKAITZALDI Gomendioak [1], Recomendaciones, Recommandations -11 disko- ]
Harpidetu honetara:
Mezuak (Atom)